Pişəvəri, Xiyabani və digər azadlıq hərəkatı liderlərindən söz açan Çöhrəqanlı onların buraxdıqları səhvləri təkrarlamamağa çalışdıqlarını söylədi. Onun sözlərinə görə, hazırda İranda 2200 təşkilat müxtəlif ad altında Milli Oyanış Hərəkatının uğur qazanması üçün fəaliyyət göstərir. Çöhrəqanlı 1995-ci ildən başlayan hərəkatın xaricdəki nümayəndəsi olduğunu bir daha “dəyirmi masa” iştirakçılarının diqqətinə çatdırdı.

1945-ci ildə İranda azəri türklərinə divan tutulduğunu bildirən Mahmudəli bəy 50 il sonra yenidən oyanış hərəkatına başlamağa müvəffəq olduqlarını və bütöv Azərbaycan ideyasının nə vaxtsa reallaşacağına inandığını da vurğuladı: “Ancaq biz real hərəkət edəcəyik. Lazım olsa, milli muxtariyyətlə də kifayətlənəcəyik. Ən böyük idealımız isə Güneylə Quzeyin birləşməsidir. Sizi inandırıram ki, İrandakı bütün gənclər bütöv Azərbaycan arzusu ilə yaşayırlar”.

Daha sonra politoloq Rasim Musabəyov çıxış edərək İranda demokratikləşmə prosesinin başlamasının azəri türkləri üçün zəruri olduğunu qeyd etdi. Politoloqun fikrincə, İranın siyasi həyatında həmişə söz sahibi olan türklər, hər şeydən əvvəl, milli muxtariyyət məsələsini həll etməlidirlər. “Azəri türkləri İranda həm dövlət, həm də başqa sahələrdə lazımi mövqelərə yüksələ biliblər. Ancaq bir millət kimi istədiyimiz yeri tuta bilməyiblər,”- deyən Musabəyov Milli Oyanış Hərəkatını mərhələ-mərhələ aparmağın vacibliyini də qeyd etdi. “Dəyirmi masa”da iştirak edən ölkəmizin İran İslam Respublikasındakı sabiq səfiri, professor Əliyar Səfərli isə azəri türklərinə qarşı olan ayrı-seçkilikdən söz açdı. Rasim