GAMH MK hadisəni terrakt hesab edir

Olaylar  2003-12-19
Güney Azərbaycan Milli Oyanış Hərəkatının Bakı ofisində baş vermiş yanğın hadisəsinə münasibət birmənalı deyil. Güney Azərbaycan Milli Hərəkatı Müdafiə Komitəsi yaydığı bəyanatda bunun adi yanğın olayı olmadığını bəyan edib:

“Son dövrlər dünyanın bir çox ölkələrində kütləvi dağıntılar və insan tələfatı ilə müşayiət olunan terror hadisələri baş verir. Bu terror aktlarının baş ideoloqunun Tehran olduğu iri dövlətlərə gizli deyil. Belə bir qorxunc rejim Azərbaycan türklərini əsarətdə saxlamaqda davam edir. Tehran bu gün artıq bombalardan deyil, yanğınlardan istifadə edir. Bu, çox təhlükəlidir. GAMOH-un Bakı Bürosunda baş verən yanğın İstanbulda baş vermiş terraktlardan fərqlənmir. Orada bombalardan istifadə olunmuşdu, burada yanğın törədilib”.

GAMH MK hüquq-mühafizə orqanlarını sayıq olmağa çağırıb: “Qəzayilər danışmağa başlayıblar. Biz onları gözlərindən tanıyırıq. Baş terrorçudan göstərişlərini alıblar. Bu hadisənin izinə düşülməlidir. Bu işdə kimlər iştirak edib, aşkar olunmalıdır. Əks halda Bakıda daha ciddi terraktların şahidi olacağıq” (“OLAYLAR” İA).