Hadisənin təxribat xarakterli olmasını istisna etməyən GAMOH-un Bakı bürosunun rəhbəri Hüseyn Türkelli "525"in müxbiri ilə söhbətində baş vermiş yanğınla əlaqədar artıq Səbayel Rayon Polis İdarəsi tərəfindən araşdırmalara başlandığını söyləyib. Sorğumuzu cavablandıran Səbayel Rayon Polis İdarəsinin əməkdaşı da GAMOH-un binasında baş vermiş yanğınla bağlı ilkin tədqiqatlara başlandığını təsdiq edib.

Polis əməkdaşının sözlərinə görə, yanğın dekabrın 17-də, saat 9.30 radələrində baş verib: "GAMOH-un Bakı nümayəndəliyində baş vermiş yanğın təxribat məqsədi ilə törədilə bilər. Ancaq polis əməkdaşları yanğına səbəb olacaq digər versiyalar üzərində də araşdırmalar aparırlar. Ola bilsin ki, yanğın elektrik naqillərinin qısa qapanması və qazın alışması üzündən baş versin".