Ny sida 1

“Heydər Əliyevin vəfatı bütün azərbaycanlılar üçün itkidir”

Mahmudəli Çöhrəqanlı başsağlığı verdi
	Olaylar 14/12/2003 Güney Azərbaycan Milli Oyanış Hərəkatının rəhbəri doktor Mahmudəli Çöhrəqanlı Azərbaycanın 3-cü prezidenti Heydər Əliyevin vəfatı ilə əlaqədar başsağlığı göndərib. Heydər Əliyevi şüurlu həyatını Azərbaycan xalqına xidmətə həsr etmiş böyük dövlət və siyasət xadimi kimi dəyərləndirən GAMOH liderinin sözlərinə görə, onun ölümünü Güney Azərbaycanda, eləcə də dünyada yaşayan azərbaycanlılar kədərlə qarşılayıblar:
“Azərbaycan xalqının böyük ağsaqqalı olan Heydər Əliyev həm də Güney azərbaycanlıların əsarətdən xilas olması üçün zaman-zaman böyük xidmətlər və səylər göstərmiş dünya səviyyəli şəxsiyyət olub: “Mən Heydər Əliyevin vəfatını 40 milyonluq azərbaycanlı üçün böyük itki sayıram. İnanıram ki, onun dövlətçilik, idarəçilik ənənələri və bu sahədəki böyük təcrübəsi hələ uzun zaman yaşayacaq və gələcək idarəçilik üçün örnək olacaq. Ümid edirəm ki, ondan sonrakı idarəçilər bu təcrübədən Azərbaycan xalqının rifahı, azadlığı, bütövlüyü və demokratik inkişafı istiqamətində layiqincə yararlanacaqlar. Güney azərbaycanlılar adından Azərbaycan prezidenti İlham Əliyevə, onun ailəsinə, yaxınlarına və bütün Azərbaycan xalqına mərhum ağsaqqalımız Heydər Əliyevin vəfatı ilə əlaqədar başsağlığı verirəm. Allah rəhmət eləsin”