|
İranda islahatçı namizədlər də qeydə alınmırlar |
| Olaylar
2004-1-14 İranda keçiriləcək parlament seçkilərinə bir ay qalıb. Müşahidələr göstərir ki, bu seçkilər də Tehran rejiminin basqısı altında və qeyri-demokratik şəraitdə keçiriləcək. GAMOH-un Bakı bürosundan “OLAYLAR”a verilən məlumata görə, Nigahban Şurası islahatçılara yaxın şəxslərin namizədliyini qeydə almır. İndiyədək yüzlərlə islahatçı seçkiyə qatılmaq hüququndan məhrum edilib. Onların arasında indiki parlamentin deputatları da var. Bunu da islahatçılıq missiyasının daha bir fiaskosu kimi dəyərləndirən
GAMOH-un Bakı bürosu milli hərəkatın boykot taktikasının düzgün olduğunu
bildirib: “Bu, onu göstərir ki, İranda parlament vasitəsilə hansısa islahata
nail olmaq qeyri-mümkündür. Rejim devrilməyincə İranda demokratik
dəyişikliklər mümkün deyil. Əgər rejimin bir qanadı olan islahatçılar qeydə
alınmırlarsa, o zaman millətin içindən çıxan insanların qeydiyyatı mümkün
deyil. Məhz buna görə də GAMOH seçkini boykot edəcək”. |
|
|
|