Olaylar 2003-10-31
Molla rejimi Güney Azərbaycan türklərinin xaricdən yayımlanan yeganə kanalı olan “Güney Azərbaycanın səsi” radiosunun yayılmasına mane olur. GAMOH-un Bakı bürosunun rəhbəri Hüseyn Türkelli “OLAYLAR”a deyib ki, son bir ayda radio Güneyin bir sıra bölgəsində normal yayımlana bilmir:

“Tehran radionun xüsusilə sərhəd bölgələrində, Muğanda, Təbriz ətrafında, Kəleybərdə, Ərdəbildə normal şəkildə eşidilməsinə ciddi maneələr törədir. Hesab edirik ki, bu, Tehranın sərhəd bölgələrində yerləşdirdiyi ötürücülər vasitəsilə edilir. Kənardan gələn dalğaların boğulması üçün dalğaboğucu parazitlərdən istifadə edir”.

Radionun texniki təhqiqat qrupunun bu məsələ ilə məşğul olduğunu vurğulayan Hüseyn Türkelli dalğaboğucu fəaliyyətin haradan idarə olunduğunun araşdırılacağını deyib.