Ekspress 2004-1-15
Güney Azərbaycan Milli Oyanış Hərəkatının (GAMOH) Bakı ofisinin yanmasından bir ay keçməsinə baxmayaraq, hələ də bunun səbəbləri barədə quruma hər hansı bir rəsmi açıqlama verilməyib. Bu barədə GAMOH-un Bakı bürosunun rəhbəri Hüseyn Türkelli "Turan"ın müxbirilə söhbətində söyləyib.

Yanğının keçən il dekabrın 17-də baş verdiyini xatırladan Hüseyn Türkelli bundan sonra uyğun idarələrlə əlaqə saxlasalar da, baş verənlər barədə real bir nəticə əldə etmədiklərini nəzərə çatdırıb. Onun sözlərinə görə, bundan əsas məqsəd yanğının terror aktı nəticəsində baş verməsi məsələsini ört-basdır etməkdir. H.Türkelli bu məsələnin açılmamasında maraqlı şəxslərin olduğunu deyib və bu hadisə ilə bağlı İranın Azərbaycandakı səfiri Əhəd Qəzainin ünvanına bir sıra ittihamlar səsləndirib.

H.Türkelli həmin vaxt yanğın nəticəsində xəsarət alan iki nəfər qurum üzvünün səhhətinin artıq tam bərpa olunduğunu bildirib. O, maliyyə vəsaiti olmaması üzündən ofisdə hələ ki heç bir təmir işi apara bilmədciklərini nəzərə çatdırıb.