Olaylar 2003-11-24
Bu günlərdə Güney Azərbaycanda milli hökumətin qurulmasının 58-ci və “21 Azər” Hərəkatının ildönümü qeyd olunacaq. Bu məqsədlə GAMOH bir sıra tədbirlər hazırlayır. Molla rejimi isə anım mərasiminin qarşısını almağa çalışır.

GAMOh-un Bakı Bürosunun rəhbəri Hüseyn Türkelli “OLAYLAR”a deyib ki, bu ilki tədbirlərdə doktor Mahmudəli Çöhrəqanlının yaxın silahdaşı, ömrünün beş ilini molla rejiminin məhbəslərində keçirmiş, işgəncələrə məruz qalmış mühəndis Qulamrza Əmani də iştirak edəcək.

Onun özünə, ailəsinə qarşı müxtəlif təzyiqlər var. Xatırladaq ki, Q.Əmani Səttərxanın məzarı üstündə molla rejimini ciddi tənqid etmişdi. Tədbir dekabrın 12-də qeyd ediləcək.